நான் இவன் இல்லை

நான் இவன் இல்லை
நம்புங்க இது நான் இல்லை

Friday, 27 July 2007

பிரிவு


பிரிவின் துயரம்
பிரிந்தால் புரியும்
புரிந்ததும் மனம்
இன்று அழுகின்றது

உறவின் தொடக்கம்
பிரிவில் முடியும்
பிரிந்தும் தொடர
நினைக்கின்றது தொடர்வோமா........................



பிரியாத நட்புடன்
பொன்னுதுரை.செ

Monday, 9 July 2007

பெண்ணில் பிறந்து......

பெண்ணில் பிறந்து
மண்ணில் வளர்ந்து
மண்ணுக்குள் செல்கின்ற மானிடனே

நேற்றைய உலகம்
நாளைய உலகம்
இரண்டுக்கும் இடையில் இருப்பவனே

காதலும் வேண்டாம்
காவியம் வேண்டாம்
கல்வியை மட்டும் தொடருங்களேன்

என் நிலை வேண்டாம்
பிறர் நிலை வேண்டாம்
உங்கள் நிலை உயர உழையுங்களேன்

ஆயுள் முழுதும்
ஆயிரமாயிரம்
பணம் குவிக்கின்ற அரசியலே

உன் ஆயுள் முடிந்தபின்
ஆறடி நிலம்தான்
ஆண்டவன் எழுதிட்டு சென்று விட்டான்

ஜாதியை துறந்து
மதத்தினை மறந்து
மனிதராய் மட்டும் வாழுங்களேன்

பாரதி கண்ட
புதுமைப் பெண்ணினை
பாரினில் உலவச் செய்யுங்களேன்


பாரத் மாதகீ ஜெ...............................

Thursday, 5 July 2007

சிவாஜி?

சமீபத்தில் சிவாஜி படம் பார்த்தேன்
அதில் ரஜினி சிவாஜி பவுண்டேசன்
ஆரம்பித்து மக்களுக்கு நன்மை செய்வார்
படத்துல மட்டும்தான் செய்வாரா?
அவ்ர்கிட்ட இருக்கிற பணத்துக்கு
நிஜத்திலும் செய்யலாமே
செய்வாரா மாட்டார்
அது புரியாம இங்க என் தலைவன்னு
சொல்லிகிட்டு பால் அபிசேகம்
பண்ணிகிட்டு திரியாராங்க திருந்துங்கப்பா
இனிமேலாவது

Wednesday, 27 June 2007

கா........த..........ல்

கா - காத்திருப்பர் காதல் காலை வாரிவிடும் வரை
கடைசியில் காவி உடை அணிந்து திரிவர்

த - தன்னிலை அறியாமல் தவமிருப்பர் காதலுக்காய்
தன்னிலை அறிந்தபின் தனித்திருப்பர்

ல் - ல்லாத ஒன்றை இருப்பதாக கற்பனை செய்வர்
இருப்பதும் இல்லாமல் போகும் வரை

Monday, 25 June 2007

தோல்வி

ஜெயிக்க வேண்டும்
என்ற வெறியை விட
தோற்று விடுவோமோ
என்ற பயம்
அதிகமாக இருந்ததே
என் தோல்விக்கான காரணம்



தோல்வியுடன்
செ.பொன்னுதுரை

சுற்றிக் கொண்டே

சுற்றிக் கொண்டே
இருக்கின்றேன் ஒரே இடத்தில்
மின்விசிறியைப் போன்று.............

மணற்வீடு

கரைந்துவிடும் தெரிந்தும்
கட்டினேன் மணற்வீடு
கடற்கறையில்.........




செ.பொன்னுதுரை