நான் இவன் இல்லை

நான் இவன் இல்லை
நம்புங்க இது நான் இல்லை

Thursday, 1 July 2010

எங்கே போய் கொண்டு இருக்கிறோம் - I

நான் சின்ன வயதில் பல விளையாட்டுகள்(கோலி, கிட்டிப்புல், நொண்டி, கண்ணாமூச்சி, பம்பரம், பல்லாங்குழி, சில்லி, ) விளையாடுவோம், எனக்கும் சில விளையாட்டுகளின் பெயர்கள் மறந்து போய்விட்டன, இன்று சின்ன பிள்ளைகள் இந்த விளையாட்டுகளில் ஒன்று கூட விளையாடுவதாக தோன்றவில்லை. கல்வி மட்டுமே போதிக்கப்படுகிறது இல்லை இல்லை திணிக்கப்படுகிறது, அதுஅது அந்தந்த வயதில் செய்யனும், ௨0 வயதில் விளையாடாத கண்ணாமூச்சிய 60வயதில் போய் விலையாட முடியுமா?
எனக்கு தெரிந்த தாத்தா ஒருத்தர் அவருடைய சின்ன வயதில் மிகவும் கடினப்பட்டு வாழ்க்கையில் முன்னேறினாராம், அவருடைய மகனும் மிகவும் கஸ்டப்பட்டு மேலும் சொத்து சேர்த்தார், இன்று அவருடைய மகன் கஸ்டப்பட்டு கொண்டிருக்கிறார் மேலும் மேலும் சொத்து சேர்க்க, நாளை அவருடைய மகனும் கஸ்டப்பட்டு சொத்து சேர்ப்பார் எதற்காக?
சொத்து சேர்க்க வேண்டும்தான் அதற்காக எல்லாவற்றையும் இழக்க வேண்டுமா என்ன?
பிள்ளைகளுக்கு சொத்து சேர்த்து வைப்பதை காட்டிலும் எப்படி சொத்து சேர்க்க வேண்டும் என்று சொல்லி தருதல் நலம் (பசித்தவனுக்கு உண்ண மீனை கொடுப்பதை காட்டிலும் மீன் பிடிக்க கற்றுக் கொடுத்தல் சிறப்பு)

.......................வாழ்க்கை வாழ்வதற்கே...............

Tuesday, 15 April 2008

என் கேள்விக்கு என்ன பதில்?

மொழி எதற்காக உருவானது?
ஒருவர் பேசுவது மற்றவருக்கு புரியவேண்டும் அவ்வளவே
இதில் தமிழ் என்ன ஆங்கிலம் என்ன கன்னடம் என்ன
எந்த மொழியாக இருந்தால் என்ன
ஒருவரையொருவர் உரையாடிக்கொள்ளவே மொழி உருவானது
எனவே மொழியின் பெயரால் வேண்டாமே வன்முறை

Wednesday, 14 November 2007

முதியோர் இல்லம்

வேர்களுக்கு வெந்நீரை ஊற்றிவிட்டு

விழுதுகளில் விளைச்சலை எதிர்ப்பார்க்கிறார்கள்

நம்மவர்கள்........................

Monday, 8 October 2007

ஓசை

வையத்தில் வாழ்வதற்கே இடமில்லை
உனக்கோ!
வானுலகில் இடம் பார்த்து வைத்துள்ளேன்
தேனிலவு செல்ல இடம் தீட்டியுள்ளேன்
உன்
தேன் மொழியை கேட்பதற்கே காத்துள்ளேன்
வான் வெளியில் உன் வளையல் ஓசை கேட்குமுன்பு
என்
வாழ்வொளியில் உன் ஓசை கேட்கட்டுமே!

Thursday, 4 October 2007

முத்தம்

மென்காற்றே மெலிதாய் வீசக்கூடாதா
உன் முத்தம் கூட
என்னை
மூச்சு விட முடியாமல் செய்கிறதே

Friday, 10 August 2007

சிகரெட் குடிப்பியா

சிகரெட் குடிப்பியா
சிகரெட் குடிப்பியா
அப்பா மகனை அடித்தார்
மறு கையில் சிகரெட்டுடன்................

என்ன பயன்

எவ்வளவு தண்ணீர்
இருந்து என்ன பயன்
தாகத்திற்கு தண்ணீர் இல்லையே
கடற்கறையில் நான்